Skillwill-ისა და Credo Bank-ის პარტნიორობა გრძელდება – სტუდენტები ციფრული პროფესიის დაუფლებას იწყებენ

Skillwill-ისა და Credo Bank-ის პარტნიორობის ფარგლებში, კიდევ ერთი მნიშვნელოვანი ეტაპი დაიწყო – ბანკის სრული დაფინანსებით, 17 სტუდენტმა სწავლა დაიწყო ციფრული პროდუქტების ტესტირების კურსზე.ტექნოლოგიური სფეროს ერთ-ერთ ყველაზე მოთხოვნად პროფესიაში პრაქტიკული განათლების მიღება მონაწილეებს საშუალებას მისცემს, რეალურ დასაქმებასთან და პროფესიულ წინსვლასთან დააკავშირონ სწავლა.

ეს თანამშრომლობა წარმოადგენს ხარისხიანი ტექნოლოგიური განათლების ხელშეწყობის ნათელ მაგალითს და ხაზს უსვამს კერძო სექტორის მზაობას, აქტიურად ჩაერთოს ახალგაზრდების კარიერულ განვითარებაში.

Skillwill-ი და Credo Bank-ი აგრძელებენ თანამშრომლობას იმისთვის, რომ კიდევ მეტ ადამიანს მისცენ პროფესიული ზრდის და ციფრულ სფეროში წარმატებული მომავლის შექმნის შესაძლებლობა.